ابن جوزي _كامله_بقلم هويدا زغلول

يابنتي 
تيجي علي نفسك علشانا لو مش 
موافقه احنا لينا رب اسمه الكريم واكيد هيقف جنبنا مش هيسبنا
اميره 
سببها علي الله يا ماما وربنا يكرم يارب
عند شريف في البيت قال لأمه
انا خلاص يا أمي قررت اتجوز واجيب واحده هنا تساعدني في تربيه مازن واهو كمان تاخد بالها منك انتي وهو
الام
يعني خلاص قررت وهتنفذ يا شريف وهتجيب لنا واحدة في البيت لا نعرف أصلها ولا فصلها
شريف
ازاى بس ياماما دي بنت ناس كويسين جدا انا عارف عمها كويس يعنى من عيلة
وساعتها خرج مازن من اوضته وجدته قال له
الجده 
تعالي يا مازن الحق ابوك قال عايز يتجوز ويجبلك مرات اب
مازن
والله طيب دي حاجة حلوه أوي ياتيتة يعنى هتجبلي واحده اقولها يا مامي ههههه
شريف
ولد عيب كده انت بتتريق ولا ايه
مازن
لا طبعا يا بابا مقصدش وبعدين دي حياتك وانت حر فيها وسبني زي مانا حر يعنى كل واحد فينا وحر في حياتة
شريف
بس لازم تعاملها باحترام يامازن ومش عايزها تشتكي منك ابدا انت فاهم ولا لا
الام
وهي كمان هتيجي تقلبك على ابنك وتشتكيلك منه دي لسه مدخلتش البيت وانت بتقول كده اومال لو جات هتعمل ايه بقا
شريف
ياماما انا مقصدش انها هتعمل كده وتقومني على ابني انا عشان عارف ان مازن مشاغب فقولت اعرفه يتعامل معاها ازاى بس مش اكتر
الام
خلاص يابني اعمل اللي تعمله بقا دي حياتك وانت حر في نفسك
وعدت الايام وجه شريف وانا كنت وافقت بسبب زن عمي وكتب كتابي واتجوزنا ورحت معاه بيته وامه قالت لي
الحما 
اهلا ياعروسة نورتي بيتك انا عايزاكي بقا تخلي بالك بقا من شريف وابنه مازن بقا ياحبيبتي
أميرة
اكيد طبعا ياماما دول في عنيا
الحما
اه ياختي اصل مازن يتيم الام ومينفعش تيجبي مرات اب وتكرهه في عيشتة الواد مش ناقص اكتئاب
أميرة
اكتئاب ايه بس هو مازن تعبان ولا ايه ياشريف
شريف
لا طبعا مازن الحمد لله كويس يا أميرة ليه هو حد قالك انه تعبان ولا ايه
الام.
هو افتكرتي ان مازن تعبان ولا ايه انا بقول لك تعاملي الواد بحنية وتبقى زي امه اصله ياحبة عيني من يوم امه ماراحت وهو حزين وقافل على نفسه على طول
أميرة
مانا قولت لحضرتك اني هاحطه في عنيا هو وشريف اطمني ياماما
شريف
طيب مش يلا بينا بقا يا أميرة ندخل اوضتنا بقا عشان نرتاح ياحبيبتي عن اذنك ياماما
الام
اذنك معاك ياحبيبي ودخلت انا وشريف اوضتنا وحماتي قالت
الحما 
البت دي شكلها مش سهله وهتتعب ابني وابنه بس على مين والنبي ماهسيبها تعمل على الواد كهن مرات الاب ده
وبعدها بكام يوم في بيت شريف كنت خارجة من الاوضة لقيت حماتي قاعده في الصاله وقولت لها
اميره 
صباح الخير ياماما عاملة ايه
الام بتريقة
صباح النور ياختي ايه كل ده نوم ده جوزك نزل على شركتة من بدري ده انتي حتى مفكرتيش تصحي تحضري له الفطار قبل

ما ينزل
أميرة
ماهو اللي مرضاش يخليني اقوم اعمله فطار ياماما
الحما
ااه ماهو ابني ده خايب طول عمره حتى من مراتة اللي راحت كان مدلعها ومكنش بيحب يتعبها
أميرة
طبعا عشان شريف طيب وقلبه ابيض ومبيحبش يتعب اللي معاه
الام
ااه ياختي ماهو ده اللي جايبه لورا وعمره ما هيبقا راجل بيشخط وينطر ويضرب كمان
اميرة
طيب وانتي ليه عايزاه يضرب ويشخط ويهين مراتة ويحصل بينهم زعل اعتقد انه مش هيستفيد حاجة غير ۏجع القلب فهو بيبعد نفسه عن المشاكل
الحما
اااه انتي بقا جايه تديني محاضرة في الأخلاق وايه اللي يصح وايه اللي ميصحش بقولك ايه قومي ادخلي على المطبخ وشوفي اللي وراكي يلا
ودخلت المطبخ وفضلت اشتغل في البيت والمطبخ طول النهار وصحي مازن وخرج من اوضته وقال لي 
ياترى عامله اكل ايه يامرات ابويا
أميرة 
انا عاملة اكل حلو جدا يامازن وعارفه انه ان شاء الله هيعجبك
مازن 
بس انا مفيش حاجة بتعجبني يامرات ابويا انا كده ليا دماغ لوحدي خاااالص
أميرة 
ااه طيب تقدر تدوق وتشوف مش يمكن يعجبك اكلي جرب بس جرب
مازن 
ماشي هجرب واشوف
أميرة 
طيب ممكن بلاش تقولي يامرات ابويا دي ممكن تقولي يا أميرة عادي وفي الوقت ده دخلت حماتي وقالت
راحت حماتي ردت وقالت 
ويقول لك يا أميرة ليه بقا ان شاء الله هو انتي لسه عيله ولا عيله ده انتي من دور المرحومة امه
أميرة 
انا عارفة اني انا من دور المرحومة مامته فعلا بس انا