روايه امي كامله

الاب 
شوفي بقي يا روان انت عارفة هتعملي اية احنا هنبعد نهائي عن العمارة و هنروح منطقة تانية علشان محدش يتعرف علينا عايزين الشغل يمشي مظبوط احنا ما صدقنا نلاقي شغل مش عايزين حاجه حاجة تبوظ الشغل ده
روان بضعف 
هي امي كانت بتشتغل الشغل ده
الاب 
ايوة يا ستي كانت بتشتغل معايا امال مفكرة اية يعني بناكلكم ونشربكم ازاي يا روان هي الدنيا مستحملة اديكي شايفة يا روان العيشة صعبة و انا يا بنتي كبرت و مبقتش قدر تحكمات صحاب 

الشغل انتي لازم تساعدني
روان بدموع 
كنت بتقبل علي امي كدة و دلوقتي بتقبل عليا انا كمان
الاب 
احنا اللي هنزيده هنعيده تاني يا روان
روان 
تمام بابا يلا بينا
الاب اخدها وراحوا لمكان معين و كانت ترتدي ملابس ضيقة و وابتدت تتكلم مع الناس حتي يسهل علي ابوها ياخد يسرق منهم الفلوس من غير ما يحسوا بحاجة وبعد ما بتشوف ابوها اخد اللي عايزه بتقفل الكلام و بتسبهم و تمشي
عملوا كدة اكتر من مرة لغاية ما جمعوا حوالي 1000 في كام ساعة
روان وهما ماشين 
اتمني تكون الفلوس رضيتك
الاب بفرح 
طبعا اه لو نعمل المبلغ ده كل يوم ده احنا النهاردة محظوظين يا روان ولله
روان 
ماشي اما نشوف اخرتها
ثاني يوم في الجامعه كانت واقفه روان مع اصحابها
ندى
يا بنتي ما تيجي نخرج وخلاص بدل ما انت قاعده في البيت ليل نهار كده
روان
معلش مش هقدر حاسه ما ليش مزاج اليومين دول اخرج ولا اعمل اي حاجه
ندى
طب ما دي احسن فرصه انك تخرجي وتغيري جو على الاقل نفسيتك تتحسن ولا ايه يا سلمى
سلمى بهدوء
معاكي حق يا ندى بدل ما احنا بقينا نشوفك صدفه يا روان على الاقل نخرج كم ساعه مع بعض
روان بكسوف
يعني بصراحه انا مش هيبقى معايا فلوس اخرج انا بقيت اجي اصلا الجامعه بالعافيه انتم عارفين المصاريف غليت قد ايه والحاله صعبه شويه فمش هقدر اخرج
سلمى
قولي بقى كده لكن ما تقعديش تقولي ما ليش مزاج ومش عامله قولي معيش فلوس اخرج
ندى
ايه اللي بتقولي ده يا سلمى
سلمى
عادي يعني يا ندى احنا اصحاب ولا ايه يا روان خلاص يا ستي تعالي معانا واحنا هندفع ما تقلقيش
ندى
مش مهم نجيب حاجه يا روان نفضل قاعدين مع بعض نتكلم
روان لسلمى
انا ما بسمحش لحد انه يصرف عليا يا سلمى انا ما بشحتش منك وبعدين الخروجه مش تاثر على حياتي لو ما خرجتش يعني شكرا لك يا ندى بس انا هتكلم مع بابا وهشوف اذا كنت اقدر اخرج ولا لا بعد اذنك
مشيت روان وهي متضايقه رجعت البيت وشافت ابوها قاعد
روان
بابا انا عايزه فلوس علشان اخرج مع اصحابي النهارده
الاب
فلوسي يا بنتي هو احنا حالتنا حاجه علشان تخرجي ولا تيجي وبعدين ما تنسيش احنا ما عندنا شغل مش هتقدري تروحي في حته لا كده
ولا كده
روان
ازاي

يعني 100 جنيه مش هتاثر معاك في حاجه ما احنا جايبين فلوس امبارح كثير فيها ايه يعني لو ادتني
الاب
واخواتك يا هانم نسياهم هم دول مش محتاجين مصاريف اكل وشرب ودراسه اجيب لهم منين بقى وكمان هصرف على خروجك
روان بضيق
دلوقتي بقت هتصرف على فلوسي انت ناسي ان لولايه ما كانتش الفلوس دي جت ولا شفتها حتى
الاب
اه ده انت بقى لك لسان وكمان بتتكلمي وتردي دي يا روان ثاني مره ما تتكلميش معايا بالصيغه دي احسن ما هزعلك واتفضلي ادخلي اوضتك لا في خروج ولا زفت
روان بعصبيه
ماشي بس ابقى شوف بقى مين هيجي معاك النهارده ابقى روح لوحدك
قالت روان كلامها ودخلت الاوضه والساعه 1000 بالليل دخل الاب وقال
يلا قومي اجهزي علشان نمشي
روان
انا قلت لك لا هخرج ولا هعمل حاجه كفايه اصحابي خرجوا من غيري
الاب
اخلصي يا بنت وبلاش لك يا ما تخلينيش علي صوتي عليك انا هستناكي بره خمس دقائق وهاجي لك لو ما لقيتكيش جهزتي انت حره
روان اتنهدت بتعب بعد ما ابوها خرج وقامت تلبس وخرجت لابوها
اللي اخذها وراحوا لمكان تاني غير اللي راحوا امبارح وكالعاده روان وقفت واحد وابتديت تتكلم معاه وابوها اخذ من جيبه المحفظه وجاي بسرعه
روان بتوتر
تمام شكرا بعد اذنك
كانوا واقفين وشايفين الموقف ندى وسلمى
سلمى پصدمه
انت شفت اللي انا شفته مش ده ابوها بقوا شغالين نشالين
ندى پصدمه
بقى هو ده