حكاية بنت واخوها _الاول
ترضي يعملو فيك كده..
فارس
يا ربنا علي النكد جااي يا ملك متنيل جااي..
قعدت مراته جنبيه وقالت
في ايه علي الصبح مين اللي راح عشان تروح الجنازه بتاعته..
فارس قام وقف وقال
بابا تعيشي انتي راح وملك عامله دوشه عشان اروح اخد معاها العزا والجو ده..
ميار
طيب انا لازم اجي معاك يعني ولا مش مهم..
فارس
لا طبعا لازم تيجي في ناس معارفي هتيجي تعزي وانتي لازم تكوني موجوده..
يووه بقي انا مش بحب الاجواء دي ومش معايا هدوم سودا غير فساتين السهره اللي بروح بيها الحفالات..
فارس
شوفي اي حاجه وخلاص يلاا بس عشان نروح ونخلص الموضوع ده بدري بدري..
وبعد شويه دخل فارس بيت باباه اللي كان فيه ناس كتير بتعزي ومعاه ميار اللي كانت لابسه فستان ازرق داكن هادي.. والكل بصلها باستغرااب وقامت ملك راحت ليهم وقالت..
لا والله ما لسه بدري يا استاذ فارس وايه اللي لابساه مراتك ده وحطااه في وشها هي جايه عزا حماها ولا جايه فرح..
قربت منها ميار وقالت بخبث
تؤ جايه فرح بالنسبالي اهو هنخلص منك ومن ابوكي اللي كان رابطنا بيكي..
فارس
انا طالع اقف مع الرجاله بره مش عايز مشاكل انتي وهي انا مش ناقص هنا في ناس مهمه جايه تعزيني..
الراجل
ازيك يا استاذ فارس انا المعلم حمدي صاحب العماره اللي فيها شقتكم وكنت جايلك في مصلحه بس مش وقته.
فارس
خير يا معلم حمدي قول ولا يهمك..
حمدي
يا استاذ مش وقته ده عزا الحج انا قولت اقولك عشان بس ما تنساش ونتكلم بعدين..
فارس
حمدي
طيب اذا كان كده انا كنت كلمت الحج وقولتله عشان اخد الشقه بتاعتكم انا ناوي اهد البيت ده وابني عماره اكبر وهو كان رافض مع اني عارض عليه مبلغ كبير اوووي..
فارس
تمام يا معلم حمدي تعالي النهارده بالليل ونتفق انا وانت وانا هبيعلك..
حمدي فرح وقال
طيب علي بركة الله يا استاذ فارس والبقاء لله ربنا يصبركم..
كويس اووي كده انا اصلا كنت محتاج فلوس عشان ادخل الصفقه الجديده وانا معايا فلوس تسندني..
وبالليل بعد ما خلص العزا كانت قاعده ملك مع مرات اخوها وقالت ملك بسخريه..
ملك
لو هتباتي يا ميار انا هقوم ارتبلك اوضه انتي وفارس..
ميار
انتي عايزاني انا ميااار تبات في المزبله دي..
اومال ايه اللي مقعدك عندي..
ميار
اخوكي قالي استنااه وهو جاي بعد ما يخلص العزا مش عارفه عايز ايه بالظبط..
ملك
ربنا يستر انتو مش بيجي من وراكم خير ابدا
ميار
لا بيجي بس انتي وابوكي اللي كنتو فقر ومش وش خير وطماعين فيا وفي جوزي..
ملك
اللهم طولك يا روح..
وبعد شويه جه فارس ومعاه حمدي ومحامي قامت ملك وقالت بقلق..
ملك
ايه اللي جاب الراجل ده معاك يا فارس ده كان عايز يطلعنا انا وبابا
